Azpeitiarra (1931)

 

Eusebio Bastida Azpeitiko Lertxundi baserrian jaio zen 1909an. Azkoitian hasi zen lasterketa bat irabazten 1927an. Unión Azpeitiana, Lagun Onak edo Unión de Irún-Orbea taldeetako kide izan zen, besteak beste. Bere garaipenik handiena 1931ko Espainiako Ziklo-kros Txapelketa izan zen. Zarautzen hil zen 1986an.

 Argazkiak Ricardo Martinek ateratakoak dira 1931n Donostian (Kutxateka).

Azkoitia (1976)

 Idiakez Dorretxea, Idiakez Jauregia edo Etxe Beltz 1976an eta bera aurrean garai haietan zuen lorategia.

Loiola (1920)

 "Mundo Grafico" egunkari madrildarrak 1920ko San Inazioren prozesioko argazkiak argitaratu zituen orrialde batean.

Loiola (1951)

 

Altxamenduaren garaipenaren ondoren, Espainiako nazionalkatolizismoak behin eta berriz indartu zuen Azpeitiaren eta Loiolako Santutegiaren karga sinbolikoa, Azpeitiko herriaren idiosinkrasia baliatuz. Azpeitiaren irudia izaera erlijiosotik harago joan zen eta propagandarako gune nabarmen bihurtu zen diktadura eusten zuten zutabeen artean.Garai hartan, Loiolak urtero hartzen zituen erregimen frankistako goi-mailako agintari politiko, militar edo erlijiosoak.

 1951an ospatu zen prozesioko argazkiak dira honako hauek. Argazkilaria Paco Marí izan zen. (Kutxateka)

Azpeitia (1950)

 1950. urtean ateratako argazki honetan San Inazioren prozesioa ikusten da herriko eliz atarian.

Azkoitiarrak (1928)

 

Usuola (Jose Iraeta) eta Etxazakorta (Ignazio Larrañaga) harrijasotzaileen arteko norgehiagoka Eibarko zezen plazan, 1928an. Biek Azkoitian jaio ziren 1907an eta 20. hamarkadako bukaeran protagonistak izan ziren.

 

Argazkilaria: Indalezio Ojanguren (Gure Gipuzkoa)