Loiola

 Santutegiko ate nagusia lorategitik ikusita. Ate gainean bandera espainiarra ikusten da. XX. mende erdira ateratako argazkia.

Azpeitia (1915)

 1915.urtean Indalecio Ojangurenek ateratako argazkia. Herriko eliza Santiago kaletik ikusten dela eta gizon talde bat "Aurrera" tabernaren aurrealdean.

Azkoitia

 XX. mende hasieran Indalecio Ojangurenek ateratako argazki honetan ikusi dezakegu nolakoa zen garai hartan, herriko plaza nagusia. Neska-mutilak iturrian jolasean eta bi behargin eskubiko etxea konpontzen. Aparkatuta dagoen autoaren matrikula SS-2501 da.

Loiola (1926)

 

Emakume taldeak Loiolako hainbat tokitan, 1926.urtean.

Argazkilaria Ricardo Martín (Kutxateka).

Azkoitiarrak

 Urzelai I. (Jose Mª Urzelai) - Sustarra I. (Andres Juaristi) - Modesto Larrañaga - Romualdo Larrañaga -   Azkoitiko Txikito (Jose Joakin Larrañaga).

Indalecio Ojangurenek ateratako argazkia 1917.urtean Eibarko Frontoian. (Gure Gipuzkoa). 

Garai hartan pilotari asko ziren herrian. Argazki hau da horren adierazle: denak azkoitiarrak.

Garai hontakoak dira Juan Mari Juaristik (Atano III.aren aita), gai honi buruz egindako bertsoak:

Azkoiti ontan daguen pelotai pestia

sei onelako iñun egongo eztia:

Txakala ta Modesto, Romualdo bestia,

Motxa eta Xuxtarra, Pixtia trastia,

 askok desiatzen du oiek ikustia.

 Modestok  bolia ta paret biai beitu,

 Xuxterrak txokokuak atera biaitu;

Urzelai'ren ´lana da erdiari beitu,

eziñ egiñik badu lagunari deitu,

Txikitok atzetikan dantzatuko ditu.

 

Azpeitia

 Herriko "Instituto Laborala" Paco Marík XX. mende erdian ateratako argazkian. (Kutxateka).

Loiola

 Santutegiaren fatxada nagusiko ikusmen orokorra XX. mende hasieran.Oraindik etorbidea eraikitzeke dago eta San Inazioren estatua elizako eskaileratan aurkitzen da.

Loiola

 Santutegia zuhaitz artetik ikusita, agian XX.mende erdira ateratako argazkian.

Azpeitia

 Antxieta etxea 1950.urteko argazki batean.

Azkoitia (1949)

 Insausti Jauregia.

XVIII. mendearen erdialdean eraiki zuten jauregi barroko hau Xabier Munibe Peñafloridako Kondearen jaiotetxea da, 1764an Euskal Herriko Adiskideen Elkartea sortu zuen gizonaren etxea, hain zuzen ere.

Argazkia 1949.urtekoa da.

Azkoitia

 Herriko elizako fatxada nagusia 1940.urtean Pascual Marínek ateratako argazkian (Kutxateka).

Loiola

 Irudian gizonezko bat San Inazioren estatu aurrean belaunikatuta ageri da. Agian XX.mende hasieran ateratako argazkia izango da honako hau.

Loiola (1932)

 Prozesioa santutegira bidean. 1932.urtean Pascual Marínek ateratako argazkiak (Kutxateka).

Azpeitia

 Atzean Moja Frantziskotarren Komentua. Ezkerretera Enparan Dorretxea eta aurrean ibai ondoko baratzeak. Gizon bat ageri da baratze bateko horma aurrean.

Azkoitiarra (1940)

 Atano III.aren lehen txapela. Groseko frontoian jokatu zuen partida Iraetako Txikitoren aurka, 1940.urtean. 22-08 izan zen partidaren emaitza. Argazkilaria Pascual Marín (Kutxateka).

Azpeitia (1924)

 

Azpeitiko zezen plaza hirugarren kategoriako zezen plaza da eta 4.000 ikuslerentzako edukiera du.1903an inauguratu zuten. Bertan ospatu ohi dira zezenketa nagusiak San Inazio jaietan. Zezenketez gain, ohiko herri kirol apustu eta lehiaketak ere egin ohi dira. 

Argazkia 1924.urtekoa da eta bere egilea Ricardo Martín (Kutxateka).