Azkoitiarra (Agiñeta) - 1933

 

1933ko abuztuaren 6an, Donezteben, erronka jendetsua ospatu zen. Urrozeko Ignacio Saldías (Naparra), Jeronimo Iturbe (Agiñeta) azkoitiarraren aurka lehiatu zen, hirurogei hazbeteko hamar enbor aurretik zituztela. Proba amaitu bezain laster, Saldías erori egin zen ikusleen ikararen aurrean: bihotzak huts egin zion eta hantxe bertan hil zen.

Argazkian "Agiñeta" eta "Naparra" ageri dira proba hasi aurretik euren prestatzailez inguratuta. Ezkerretik lehena "Keixeta" handia da.

Loiolan (1915)

1915eko argazki honetan Odriozola familia ageri da Munategi baserriaren aurrean. Munategi baserria Loiloako Santutegi atzean kokatua zegoen. 

1948an, santutegiaren instalazioen ondoan zeuden Muniategi (Munategi) eta Aldakaitz baserrietako lurrak erosi zituzten Jesuitek 25 hektareako parke handi bat eraiki ahal izateko (lehen bost hektarea besterik ez zituen) eta Odriozolatarrak etxez aldatzera behartu zituzten. Orduan Venta Sesio (Venta de Sesiones) edo Bentazixo izenez ezagutzen zen etxera aldatu ziren eta harrezkero etxe hori Munategi izenez ezagutzen da.

Bestalde, Jesuitek erositako lur horietako batzuk nekazaritzako erabili ziren, baratzeko eta fruta-arbolak landatzeko batez ere. 1982ko aita santuaren bisita zela eta egin ziren obrekin, lorategi bihurtzeko beharrezko urratsak eman ziren.

 

 

Azpeitian (1973)

 

Euskal Herriko hainbat herritan bezala, orain dela urte batzuk arte, herrian ere ospatzen ziren Aste Santuko prozesioak, Pepe Gilek 1973an egin zituen argazki hauetan ikus daitekeen bezala.

Azkoitiarrak

 

1950ko hamarkadan lau azkoitiar Club Deportivo Alaveseko jokalariak izan ziren:

 Miguel Etxaniz, Carlos Larrañaga, Imanol Larrañaga eta Patxi Zubizarreta.

Argazkiak: Alberto Schommer Koch (Photo Araba).