Iraurgi bailara egungo Azkoitiko eta Azpeitiko hiriak hartzen zituen Gipuzkoako erdialdeko bailara zen, Urola ibaiaren erdiko zatian. Iraurgi, Azkoitiko eta Azpeitiko hiriek, sortu aurretik, hartzen zuten lurraldearen izena da.
Urolako trenbidearen eraikuntza lanen lehenengo harria 1921eko ekainaren 27an jarri zuten. Trenbidea 1926ko otsailaren 22an inauguratu zuen Espainiako errege Alfonso XIII.ak.
Agintariak tren berrian joan ziren Zumarragatik Zumaiara, Azkoitia, Loiola, Azpeitia eta Zestoatik igaroz. Geldialdi luzeenetako bat Loiolakoa izan zen. Bertan, agintariek Loiolako Santutegia bisitatu zuten, Ricardo Martinek ateratako argazki hauetan ikusten denez.(Kutxateka)
Juan Jose Sagarzazu "Terziopelo" (1892-1974) izan zen herriko azken zoru-jostailea (txorteroa).
Eguraldi ona zenean, Plaza-Berrin egiten zuen lan,
San Juan edo Larramedi bainuetxea San Juan izeneko ermita bat zegoen tokitik gertu zegoen. Lehenengo bainuetxe modernoa 1843an eraiki zen, eta 1881ean eta 1924an guztiz berritu zuten. San Juango bainuetxeak bizitza gorabeheratsua izan zuen. Bainuetxea izateaz gain, II. Karlistaldian, goi kargua zuten militarrek bainuetxea beren kuartel-etxe bezala hartu zuten eta ospitale lanetarako berregituratu. Hamarkada batzuk geroago, Francoren armadako buruek ere San Juango bainuetxea aukeratu zuten guda etxe moduan. II. Mundu Gerra bukatzear zela, Gipuzkoako kostaldean hondoa jo zuen itsaspeko alemaniar batean zihoazen militarrak artatu zituzten han. Pertsonaia ezagun ugari hartu zuen San Juango bainuetxeak, harik eta 1950. urtean ateak itxi zituen arte.
Argazkia: Mª Guadalupe Errastiren bilduma.
Julio Urkixo idazlea, euskal filologoa, testu biltzailea eta editorea izan zen. Deuston jaio zen 1871.urtean. Haren izena daraman etorbide bat ere bada herrian.
1943an, Euskalerriaren Adiskideen Elkarteko presidente izendatu zuten Urkixo, eta 1949an, Gipuzkoak seme kutun. Azkoitiko Intsausti jauregian omendu zuten hura Euskalerriaren Adiskideen Elkarteak antolatutako ekitaldian. 1949ko ekainaren 23an, San Joan bezperan egin zioten omenaldia Urkixori. Arabako, Bizkaiko eta Gipuzkoako erakundeetako ordezkari ugarik parte hartu zuten orduko ekitaldian. Urkixo omenaldia jaso eta hurrengo urteko urrian hil zen Donostian.
Argazkiak: Paco Marí (Kutxateka).
